Halaman:Rangkiang Luluih.pdf/188

  Antakan malah padang rajo
Sarato tombak jo lambiangnyo
  Nan buliah tingga pado mamak
Karih pusako kaum mamak
Pendeknyo sagalo punyo nagari
  Datuak antakan sapatang patangnyo
Hari iko salambeknyo hari isuak

Ado lai nan ka denai sabuik
  Iyo tantang padi jo taranak
Dek sinan ado mah banyak
  Di siko sadang kurang kini
Tolong antakan bahagian ambo
  Kok nan lain handak manyalang
Tolonglah pulo agiah salang
  Kapado siapo tu nan datang
Barisuak lusa ka Koto Tuo

Nan sakarang kini nangko
  Pulanglah sanak kasadonyo
Maap sajo denai mintak
  Indak dapek maagiah nasi
Indak ado nan ka bakarajo
  Dek sanak banyak nan datang
Bukan sapuluah duo baleh"

Disusun jari nan sapuluah
  Iyo dek urang Koto Tuo
Ditakuakan pulo mah kapalo
  Indak ado nan manjawek
Indak dapek nan ka di sabuik
  Awak lah jaleh urang kalah