Antah tapian dewi rimbo
Indak baapo itu garan
Tapi kalau iko tapian hantu rimbo
Di mano kito dapek tau
Mularaik kasudahannyo
Indak kan tau jalan pulang
Kito manjadi antu rimbo
Ado tampak tu mah garan
Jalan tampak dirambah urang
Antah jalan rang mancari rotan
Atau mancari dama kumayan
Mari jalan ko kito turuik
Untuang sampai kito kan kampuang
Bajalan kini kaduonyo
Bajalan balambek-lambek
Kaki si Bongsu alah bangkak
Indak talok bajalan lai
Dihirik sajo dek andehnyo
Jalan lai batambah gadang
Lah dapek nyo badundun
Indak lai bairiang iriang
Anak aia batambah gadang pulo
Tapi alun lai tampak
Sasok jo ranah urang kampuang
Lah tiba malam nan ka tigo
Basuo pondok jo ladang urang
Ladang tingga mah garangan
Pondok tu lai baatok juo
Dindiangnjo afah mah rarak
Baranti inyo di sinan
Si Bongsu alah tagolek sajo
Halaman:Rangkiang Luluih.pdf/191
↓Laman ko alah sah
