Bajalan malah Pamato Intan
Bajalan dalam samak ladang
Mancari barang ka dimakan
Dek untuang inyo indak kan mati
Iyolah mati kalaparan
Tampak sabatang tabu mudo
Alah mah manih tu agaknyo
Dicabuik garan tabu mudo
Dicabuik sakuaik tulang
Bumi jo langik nan kan tau
Baapo gadang atinyo
Iyo mandapek tabu nantun
Ditukua pucuaknyo jo batu tajam
Dibawo tabu pado anak
Dibawo juo batu tajam tu
Diambiak tabu dek si Bongsu
Dicampakkan kadalam aia
Bakato inyo jo berang
"Bukan iko makannan ambo"
Tapanca tangih Pamato Intan
Diambiaknyo tabu tu baliak
Untuang alun lai hanyuik
Dibukaknyo tabu jo batu tajam
Sudah itu ditukua-tukuanyo
Diramehnyo kadaun taleh
Disuruah minum ka si Bongsu
Sampalah tabu nan dirameh
Baaia juo gak saketek
Dikunyahnyo haluih-haluih
Diluluanyo jo sapahnyo
Nak gak barisi paruik nyo garan
Lah sudah makan tabu itu
Tatidua malah kaduonyo
Barisuak pagi itu garan
181
