Page:Rangkiang Luluih.pdf/194

Kito lah sasek dalam rimbo
Kok indak kito bajalan
Maninggakan gubuak tampek batarak
Lapa sajo nan kan ditahan
malakik ayah upiak datang
Atau rang lain disuruahnyo
Dek kareh kau nak bajalan
Mancari barang kan dimakan
Baiko mah jadinyo
Kito takuruang dalam rimbo
Kok kito ditangkok rimau
Atau dilulua ula gadang
Alun kan baapo itu Bongsu
Mati kito sabanta tu juo
Tapi kok kau lamah beko
Indak dapek bajalan lai
Matilah kito dalam rimbo ko
Mati iyo balambek lambek
Bukan salari duo hari
Amuah sampai bapakan pakan
Antah iyo babulan bulan
Bapikia kau tantang itu
Si Bongsu manangih sajo
Indak inyo manjawek lai
Ubi tu indak dielengongnyo
Susahlah hati Pamato Intan
Sayang andeh sapanjang jalan
Sayang anak sapanjang panggalan
Bia baitu laku anaknyo
Tantang dek inyo Pamato Intan
Usah sayangnyo nan kan abih
Bakurangpun indak juo

Templat:Right