Halaman:Rangkiang Luluih.pdf/195

Lah paneh kironyo hari
Dicari rabuak dek Pamato
Dari kayu-kayu lapuak
Atok gubuak tampeknyo tingga
Iyo ilalang nan lah kariang
Diambiak pulo tu saketek
Dibungkuihkan ka rabuak tadi
Dilatakkan di ateh batu aia
Batu aia nan sangaik kareh
Dicari batu aia nan basandiang
Nan kareh pulo itu garan
Ditokokkannyo batu basandiang
Kasandiang batu nan talatak
Sakali di lakakkannyo
Indak lah tampak apo apo
Sampai duo tigo kali
Mamanca tampaknyo api
Kini inyo duduak di ateh batu
Batu putiah batu ampa
Ditadahkan tangan ka langik
Ditakuakan kapalo ka bumi
Mamintak inyo maso itu
Manolah langik nan batuah
Iyolah bumi nan sakti ko
Sarato bulan matohari
Agiah ambo api kalian
Anak ambo lah kalaparan
Kok lai dingin paruik manganduang
Salamaik inyo baliak kakoto
Baliak inyo ka batu cako
Didakekkan rabuak ka sandiang batu
Dilakakkan batu babarapo kali
Mamanca api rabuak tabaka
Sananglah hati Puti Pamato

Templat:Left