Si Bongsu gilo manangih
Andehnyo gilo bapikia
Indak inyo mangecek lai
Lah pagi kironyo hari
Diajak si Bongsu ka bajalan
Tapi inyo aniang sajo
Indak bagarak dari tampeknyo
Abihlah aka mandeh kanduang
Kok hari agak paneh
Dicari ka ladang tingga
Barang-barang nan ka dimakan
Takadang dapek ubi pulo
Barisuak hanyo taleh sajo
Sudah itu paraweh mudo
Sakali dapek batiak mudo
Baitu babarapo hari
Si Bongsu tatap diam sajo
Barang nan dapek dek andehnyo
Kok lai lamak dihabihkannyo
Nan tak lamak untuak andehnyo
Inyo mangecek indak juo
Dek payah andehnyo mambujuak
Ado pado satu katiko
Pagi-pagi maso itu
Alah amuah inyo bajalan
Dilakekkannyo baju rancak
Bajalan inyo daulu
Andehnyo manuruik di balakang
Ado sabanta antaronyo
Tadanga urang mangecek
Tampak pulo dari jauah
Urang batigo bairiangan
Mungkin urang mancari rotan
Tapi sabanta itu juo
Halaman:Rangkiang Luluih.pdf/198
↓Laman ko alah sah
