Ambo pai kakampuang ketek
Urang gaek nan elok baso
Batanyo inyo garan ka ambo
Pio kiko naak?
Tacangang ambo maso itu
Batanyo pado kawan ambo
Apo garan kan jaweknyo
Patang ciek lai ndeh
Pio baliak ka itan naak?
Bisuak ciek lai ndeh
Kalamari ado kito pakai
Baitu luso biaso juo
Patang ciek lai bisuak ciek lai
Labiah biaso tu tampaknyo
Sabagai pulo itu garan
Nan alah ambo katangahkan
Di naskah ambo nan daulu
Iyo caro mamancang galanggang
Kaduo caro batunangan
Katigo caro nikah kawin
Caro baparang rang saisuak
Alah pulo ambo katangahkan
Dalam naskah nan kiniko
Samaso Islam alun masuak
Handak ambo bari tau pulo
Iyo kaurang mudo-mudo
Baapo caro rang saisuak
Iyo baralek kamatian
Sarato baralek turun mandi
Akhianyo baralek nalak nobaik
Kok ado juo lai tanago
Handak ambo karang itu garan
Caranyo urang tajo rajo
Munulak urang bukan rajo
22
