Sarupo jo antu rimbo
Kok pulang ambo baeko
Indak amuah lai kakak jo ambo
Dek awak indak rancak lai
Baitu di andeh mah nan elok
Mularaik ambo saumua hiduik
Pamato Intan diam sajo
Dikabeknyo kain elok-elok
Dilipeknyo nan tajamua
Dibakanyo lalang tampek tidua
Nak barasiah gubuak tu tingga
Ado sabanta antaronyo
Lah datang urang parotan
Bakato inyo maso itu
"Manolah kakak nan di siko
Alun lai kakak sabuik
Namo kakak nan sabananyo
Kakak tampaknyo mudo baru
Alun patuik dipanggiakan kakak"
"Ambo banamo Pipik Padi
Dek ketek suko manggatok
Lah gadang dipanggia Andeh Lubuak
Dek anak ambo nan tuo
Iyo banamo mah si Lubuak
"Manolah kakak andeh Lubuak
Mari malah kito ka kampuang
Basuo jo anak bini kami
Kami ko iyo urang bangsaik
Indakkan dapek manolong kakak
Tapi dari tingga dirimbo ko
Elok juo pulang ka kampuang.'
"Manarimo suko ambo garan
192
