Bumi jo langik nan kan tau
Barapo gadangnyo ati ambo
Langik mambaleh jaso sanak"
Bajalan urang nan barampek
Duo urang inyo kamuko
Disuruahnyo andeh Lubuak
Jo anaknyo bajalan di tangah tangah
Nan baduo di balakang pulo.
Tapi si Bongsu aniang sajo
Saketek inyo indak bagarak
Andehnyo aniang sajo pulo
Bajalan inyo maso itu
Saroman urang indak acuah
"Baapo iko garan
Anak kakak indak amuah pai
Baapo pulo inyo tingga
Di dalam rimbo gadang nangko
Indak kan sadang inyo garan
Iyo dek rimau nan banyak siko
Bakato sanan Bongsu Urai
Kok ndak amuah maantakan denai
Iyo kanagari Koto Lamo
Bia tingga ambo di siko
Bia dimakan harimau siko
Budak ambo ndak bahati
Ndak bahati ndak bajantuang
Indak ambo ka pai jo inyo
Kok mamak amuah maantakan
Denai pai tu jo mamak
Kok indak tinggakan denai siko
Bia dimakan rimau campo
Bakato garan dang andehnyo
"Bajalan sajo kito daulu
193
