Halaman:Rangkiang Luluih.pdf/205

Inyo manuruik tu baeko
Kok sanak bajanji maantakan
Payah sanak di turuikkannyo

Bajalan urang nan balimo
Bajalan bagageh gageh
Sudah itu nyo baranti
Duduak dalam padang lalang
Indak tampak lai dek si Bongsu

Ado sabanta antaronyo
Tadanga si Bongsu manukiak nukiak
Mamakiak sahabih suaro
Manolah urang nan banyak tu
Samo hantu mah kironyo
Amuah mambunuah badan denai
Tingga surang dalam rimbo

Hai Puti Pamato Intan
Indak babanak kau garan
Amuah mambunuah anak kanduang
Ndak takuik kau ka langik
Kan kanai kutuak kau dek bumi

Usah inyo didangakan
Mungkin mimpinyo dalam rimbo
Mambuek inyo cando itu
Andelnyo puti bapaknyo rajo
Lakinyo mah rajo pulo
Inyo tu anak gadih baru

Alah bajalan Bongsu Urai
Di tantang urang nan maandok
Dibiakan urang sapanggalah
Baru inyo dituruik kan
Inyo lai mancaroteh juo
Indak maliek kabalakang

Untuang jalan luruih sajo