Urang itu lupo kapadonyo
Dek ruponyo balain bana.
Mukonyo putiah dijilek ari
Basisiak bak kaki ayam
Bacampua pulo jo tuturan
Tuturan itam macam capuak
Tapi inyo tau di urang tu
Urang banamo Tukang Mudo
Sabaluni manjua kain
Inyo manjadi tukang rumah
Diajaknyo urang tu singgah
Iyo singgah minum jo makan
Bacarito urang tu garan
Apo itu nan lah tajadi
Di nagari Koto Tuo
Rajo kito alah mah mati
Mati dibunuah Angek Garang
Sasudah andeh maninggakan kampuang
Manti Tuo jo Datuak Mangku
Kaduonyo diparantikan
Antah di mano inyo kini
Nagari kito ndak aman kini
Salamo Angek Garang mamarintahnyo
Pancilok parampok banyak masuak
Maambiak padi jo taranak
Dubalang pandeka maambiak pulo
Katonyo iyo untuak rajo
Ambo lah lamo ndak kakampuang
Alah garan babarapo bulan
Ambo bawo anak bini ambo
lyo iduik di Salayo
Nagari kini ambo garan
Iyo barasa dari sinan
Ampunlah ambo Andeh Suri
Usah andeh pulang kakampuang
200
