Rumah gadang alah tabaka
Dibaka Rajo Angek Garang
Di mano andeh kan tingga
Urang mungkin indak amuah
Manarimo andeh dalam rumah
Sabab andeh dicari rajo
Dicari kan dibunuah
Siapo urang maandokkan
Urang itu dibunuah pulo
Inyo mamasang mato-mato
Iyo dalam tiok nagari
Untuak mancari Tuanku Puti
Iyolah Puti Bongsu Urai
Mandanga kato urang nantun
Sato mangecek mah si Bongsu
"Manolah mamak Tukang Mudo
Antakan ambo ka Pakan Lamo
Ambo agiah mamak baeko
Kain baju padi taranak"
"Ambo indak akan kasinan
Ambo kan taruih ka Salayo
Anak bini lamo mananti
Sakik sanangnyo ambo ndak tau
Sabagai pulo itu garan
Di lua nagari koto Lamo
Banyak parampok jo pambunuah
Indak ingin ambo kasinan
"Manolah Mamak Tukang Mudo
Kok mamak samo jo ambo
Mamak indakkan digaduali
Picayolah mamak ka ambo"
"Ampunlah ambo Tuanku Puti
Ampun jo maaf ambo mintak
201
