Ambo indak nio kasinan
Ambo banci ka Angek Garang
Salamo inyo mamarentah
Indak ambo injak Koto Tuo
Baitu pulo Koto Lamo"
"Manolah Andeh Koto Tuo
Iko pitih ado saketek
Kain saruang ado sahalai
Andeh tarimo sambahan ambo
Hanyo saki ko ado kini"
"Manolah sanak Tukang Mudo
Lah dapek kaba dari kampuang
Lah sanang hati ambo garan
Usah ambo dibari pulo
Banyak sudah barutang budi
Kapado urang bawah langik ko
Lah ilang tuah dek manarimo
Manarimo paragiah urang
Awak daulu biaso baragiah
Lah ilang sari dek kurangtanago
Ditolong urang bakapanjangan
Awak nan patuik manolong urang"
"Indak baapo itu andeh
Indak kan ilang tuah andeh
Andeh bukan maminto minto
Tapi urang nan mambari
Adaik iduik itu andeh
Sakali di ateh sakali di bawah
Nanti andeh kan naiak lai"
Tasanyum masam Pamato Intan
Kamano inyo ka naiak lai
Rumah gadang alah tabaka
Dek rajo lali mati pulo
Rajo kini badandam gadang
Pulang kakampuang indak dapek
Indak ado urang kan maanta.
202
