Kamano arah painyo
Jo siapo inyo bajalan"
"Inyo pai katiko parang
Ayahnyo dibunuah rajo kami
Rumah gadang dibakanyo pulo
Inyo pai jo andehnyo
Adoknyo karimbo gadang"
"Kok adoknyo karimbo gadang
Mungkin di sinan sampai kini
Atau koh mati dek kalaparan
Mungkin juo ditangkok rimau"
"Manuruik pasan rajo kami
Kami cari sampai dapek
Kok indak dapek usah pulang
Kok inyo mati kalaparan
Tulang tulangnyo bawo pulang
Kok nyo ditangkok harimau
Kapalo jo abuaknyo bawo pulang
Dek rimau ndakkan makan abuak
Lah kami kacau rimbo gadang
Lah kami masuki koto jo kampuang
Bongsu Urai indak basuo."
Si Bongsu mandanga kaba iko
Nan kudian disabuik dubalang
Kulua inyo dari rumah
Bakato inyo maso itu
Manolah urang nan mangecek
Siapo garan mamak nangko
Nan manyabuik sabanta ko
Bongsu Urai indak basuo
Ambolah urang Bongsu Urai
Cubolah liek muko ambo
Maliek muko gadih mudo iyo takajnik
Iyo takajuik rang dubalang
204
