Nyato gadih tu urang rancak
Raso lah panah dilieknyo
Antah di mano itu garan
Masuak si Bongsu dalam rumah
Dipakainyo baju Putinyo
Babaliak ruponyo bak daulu
Di maso dalam pajalanan
Inyo indak ado bakarajo
Gilo lalok dalam pondok
Indak ado mandapek paneh
Ruponyo indak mah barubah
Bakato dubalang maso itu
"Upiak lah jaleh paja rancak
Pakaian tu iyo mah pakaian
Nan biaso dipakai Puti Puti
Kok iyo Upiak Bongsu Urai
Cubo sabuikkan iko kini
Siapo namo rajo kami
Siapo pulo andeh suri kami
Siapo andeh suri nan lah mati
Siapo namo andeh jo ayah
Cubo katokan tarang-tarang"
Untuak apo itu ditanyo
Ambo ko si Bongsu Urai
Untuak apo ambo baduto
Lah sataun ambo manangih
Mintak anta ka Koto Lamo
Rang tuo ko nyo ndak amuah
Ingin maazab ambo siko
Ka inyo bunuah sampai mati
Manolah andeh nan bajaga
Iyokoh iko Bongsu Urai
Cobo malah andeh tarangkan
Nak sanang dalam kiro-kiro
205
