Kan mangwinkan dang anaknyo
Jo saurang anak ambo
Buliah anaknyo jadi rajo
Tapi iko mah candonyo
Pulang kakampuang alun dapek
Si Bongsu marentak nak baliak
Baliak kapado Angek Garang
Indak dapok diajari
Jo lunak inyo malawan
Jo kareh apo to lai"
"Mano Mandeh Pamato Intan
Ambo lai baranak pulo
Baranak padusi sagadang inyo
Ambo tau itu garan
Baapo urang sayang ka anak
Ambo suruah anak ambo
Iyo pai ka neneknyo
Itan di nagari Talang Babungo
Ambo lah lamo iko andeh
Manjadi dubalang di ustano
Tau bana ambo garan
Laku parangai Angek Garang
Kok urang katuju dek inyo
Indak dapek mananti ari
Anak rajo jadi andeh suri
Rang kampuang jadi pamenan
Asa urang rancak saketek
Lah punyo inyo tu garan
Andeh jo bapak anak nantun
Diganjanyo jo pitih ameh perak
Urang mudo nan suko di paja tu
Dibuang jauah dari nagari
Atau dibunuh mati sajo
211
