Hanyo sabuah pintak ambo
Sabuik kan ambo alah mati
Siapo sajo nan batanyo
Kacuali Mayang Taurai"
"Kok baitu kato andeh
Barisuak pagi kami barangkek
Iyo pagi-pagi buto
Iko pitih ado saketek
Buekkan kami nasi bungkuih
Talua abuih jo samba lado
Jadi itu untuak lauaknyo"
Ambiaklah pitih sanak baliak
Sakadar nasi duo bungkuih
Dapeklah ambo maadokan
Baitu lauak pauaknyo
Antah paralu pitih tu beko
Jalan nan jauah kan ditampuah
Kok kami mambawo nasi
Indak paralu pitih lai
Tibo sajo di Koto Lamo
Lah banyak kami dapek pitih
Di tampek kami bamalam
Indak kami kan mambayia
Sagalo kadai jo lapau
Nan ado di tangah jalan
Di nagari bakuliliang ko
Alah di bayia rajo kami
Untuak dubalang nan barangkek
Mancari Bongsu Urai
Sataun lamonyo ilang
Beko rakyat nan bahabih
Sadang iduik nyo lah malaraik
Tinggalah andeh daulu
Ambo pulang ka lapau ambo
213
