Baiko bana nan ditangguang
Ado sabanta antaronyo
Takana salah bakeh ayah
Sarato mandeh kanduang badan
Wakatu inyo tu manulak
Iyo kawin jo Angek Garang
Tapi alah mintak ampun
Lah acok pulang kakampuang
Mambawo anak nan batigo
Katiko ayah jo andchnyo
Iduik juo itu garan
Dek lamo bakalamoan
Hampia tiok malam ko tajadi
Pangana nan macam iko
Badannyo alah tambah kuruih
Ruponyo alah tuo banal
Alun lai garan ampek puluali
Pikia bapikia macam itu
Lah banyak bulan talampau
Indak tatahan tu dek inyo
Taragak pado anak-anak
Talabiah Mayang Taurai
Lah lamo indak basuo
Takana dalam hatinyo
Handak pai ka Koto Lamo
Manjadi urang mintak mintak
Bia maliek dari jauah sajo
Sananglah juo dalam hati
Didatangi sanak nan barampek
Disabuikkan mukasuik hati
Malarang urang kasadonyo
Dek iduiknyo alah agak elok
Kok pai pulo jauah-jauah
216
