↓Laman ko alah sah
PAMBUKAK KATO
Takana di hati nak bakaba
Kaba lamo kaba rang saisuak
Di zaman apo itu garan
Indak tarang indaklah jaleh
Kaba nan indak batulihkan
Dari muluik ka muluik sajo
Baruntun dari niniak moyang
Dari moyang turun ka unyang
Dari unyang sampai ka anduang
Dari anduang ka andel kito
Dari andeh turun ka ambo
Kaba lamo kaba rang daulu
Antah iyo antah tido
Susahlah kito manantukan
Tapi nan jaleh itu kini
Tando tandonyo ado lai.
Kaba banamo Rangkiang Luluih
Rangkiang punyo Bongsu Urai
Bongsu Urai anak cilako
Anak durako ka mandehnyo
Inyo lah luluih jo rumahnyo
Rangkiangnyo panuah jo padi
Itu garan nan jolong tajun.
25
