Halaman:Rangkiang Luluih.pdf/234

Makan minum kaduonyo
Dilatakkan di tanggo anjuang
Dibawo masuak dek Tuanku
Baitu aia mandinyo
Baitu juo pakaiannyo

Disabuik pado dayang-dayang
Puti Bongsu inyo mah sakik
Tapi galaknyo kareh bana
Indak ado urang nan picayo

Tantang Tuanku Nilam Cayo
Sarato Tuanku Manti Tuo
Sakali inyo nak datang
Basuo jo Puti Bongsu
Mandanga galaknyo dari laman
Babaliak abih kaduonyo
Indak inyo datang-datang lai
Kacuali maso baralek
Alah sabulan Puti di rumah
Inyo mamintak nak baralek
Ingin manjadi anak daro
Dek rajo tantu diiyokan
Bia nagari dalam susah

Dicari padi jo taranak
Iyo kanagari Koto Tuo
Dipaso urang bakarajo
Baralek sabulan panuah
Sarupo alek Puti Mayang
Tiok hari baarak-arak
Anak daro galak badari
Tacangang urang nan maliek
Usah kan lai Puti Puti
Anak kampuang lai mangalok
Katiko jadi anak daro

Marapulai jo anak daro