Bacubik cubikan dalam tandu
Indak bamalu kaduonyo
Urang nan indak galak lai
Mancaliakkan kurenahnyo
Urang alah mambuang muko
Rajo-rajo nan dijapuik
Datang surang duo urang
Wakatu adaik kawin sajo
Dibawonyo anak cucunyo
Nak rami juo urang makan
Sajak baralek sampai kini
Iduik urang batambah payah
Dek paneh batambah garang
Padi indak amuah tumbuah
Kok tumbuah indak babuah
Rakyat banyak nan lah lari
Manolah dubalang Sutan Diateh
Tolong imbaukan Mayang Taurai
Taragak ambo indak tatanggaung
Dek itu ambo kamari
Ampun Tuanku Pamato Intan
Puti alah mah lari
Wakatu alek inyo lari
Dibawonyo Puti Sari Intan
Antah kamano inyo pai
Indak ado urang nan mancari
Diam diam itu garan
Ambo suruah dubalang mudo
Untuak mancari Tuanku Puti
Katauan dek Puti Bongsu
Ambo pulo diberangi
Manangih tampak Pamato Intan
Maliek si Bongsu tangah laman
222
