Halaman:Rangkiang Luluih.pdf/236

Masuak sajo inyo kalaman
Indak amuah inyo dilarang

Mungkin niatnyo ingin mati
Mandakek inyo ka si Bongsu
Mano rangkayo Puti Bongsu Urai
Lah kayo gadang Puti kini
Ambo datang mamintak padi
Mamintak padi sakatidiang
Untuak dimakan sabulan duo

Mandanga kato rang nan datang
Takajuik garan Bongsu Urai
Tampak tabayang di mukonyo
Inyo tau di urang itu
Bakato inyo maso itu

Manolah kau urang datang
Usah maribuik kau siko
Bagageh juo kau pai
Kok tau laki den beko
Dicancangnyo kau jadi bubua

Dek kareh suaro Bongsu Urai
Tadanga kalabuah gadang
Lah banyak urang mandakek
Nilam Cayo lali sato pulo.

Manjawek sanan Pamato Intan
Ambo datang mamintak padi
Ambo ko urang mularaik
Patuik mamintak pado rajo
Mangapo ambo kan dicancang

Usah kau mangecek juo
Ambo tau siapo kau
Bagageh kau pai kini
Indak ado padi untuak kau"