"Kok padi indak mah buliah
Bari ambo nasi sapiriang
Lah duo hari indak makan
Kan ubek lapa sajo jadi"
"Mano kalian dayang-dayang
Ambiakkan karak babiak
Masuakkan dalam tampuruang
Bari makan anjiang nangko
Manyalak sajo nyo disiko"
Bakato dayang maso itu
Ampun ambo Tuanku Puti
Nasi elok lai ado
Mangapo karak babiak
Diagiah pado urang tuo"
Usah ambo dibantah pulo
Lakeh ambiak karak babiak
Inyo itu bukannyo urang
Anjiang kurok indak bajantuang
Usah dibari nasi elok"
Manangih Puti Pamato Intan
Mano nak kanduang Bongsu Urai
Anjiang ko malaiakan kau
Aia susunyo kau minum
Inyo nan manggadangkan kau
Sampai manjadi Puti rancak
Budi ambo pado kau
Jo karak babiak kau baleh"
"Mamakiak garan Puti Bongsu
Pai kau anjiang gadang
Usah manggonggong juo siko
Indak ado budi kau pado denai
Indak ado nan kan den balch
Lamak lalok kau jo laki kau
24
