Nak balinduang ka tuah rajo
Ramilah urang bakuliliang
Iyo kaliliang ustano tu
Sampai patang tampak tu rami
Indak ado urang nak pulang
Tagak tuanku Manti Tuo
Di ateh tanggo rumah gadang
Rumah gadang Puti Nilam Cayo
"Manolah sanak kasadonyo
Manti pangulu datuak datuak
Pandeka dubalang di nagari
Sarato rakyat' tuo mudo
Dangakan malah kato ambo
Tampaknyo kareh kutuak langik
Gadang tu garan berang bumi
Diluluanyo rangkiang tujuah
Ditalannyo rumah gadang kito
Tapi ndak usah kito takuik
Nan salah mambayia utang
Dek talintang mangko patah
Jokok tabujua tantu lalu
Kito lah samo tau juo
Kurenah Tuanku Rajo kito
Nan bagala Mangkuto Ameh
Disabuik sajo Angek Garang
Itu gala nan sasuai
Gala dibari urang banyak
Dek parangai inyo juo
Nagari kito kuruih kariang
Indak dapek ditanami
Indak amuah kayu babuah
Bak kabau batino kakurangan susu.
Rakyat' apo to lai
227
