Nan lari, lari juo
Nan mati satiok hari
Indak satangah lai nan tingga
Nan tingga sakik kasadonyo
Nan makan kanyang sajo
Itu hanyo nan bagarak
Sungguah baitu kan karehnyo
Alun turun kutuak langik
Nan tajadi kini nangko
Lah berang bana bumi langik
Lah sampai kini kapuncaknyo
Sagalo nan buruak cako itu
Ditambah pulo jo nan baru
Iyo durako dang bininyo
Iyolah Puti Bongsu Urai
Durako yo taradok andehnyo
Andehnyo Puti Pamato Intan
Urang nan samo kito tau
Haluih manih budi basonyo
Inyo tahan mandarito
Hiduik di dalam rimbo rayo
Dek sayang di anak Bongsu
Iko balasan didapeknyo
Nyo mintak nasi sapiriang
Karak babiak nan diagiah
Diagiah dalam tampuruang
Inyo disabuik anjiang kurok
Diusia kalua laman ustano
Iko pangaja ka nan mudo
Sayang ayah sarato bundo
Usah itu diabaikan
Kok indak dapek mambaleh
Jago sajo malah hatinyo
Jan inyo berang di kito
228
