↓Laman ko alah sah
Manolah manti jo pangulu
Sarato dubalang jo pandeka
Talabiah datuak Mangku Bumi
Ambo ko bukan to rajo
Tapi nan tuo kini nangko
Mamintak ambo bakeh nan banyak
Barapek kito barisuak
Barundiang kito nan tingga ko
Tabuah larangan indak ado lai
Aguang gadang indak ado puto
Kito sampai manyampaikan
Ambo mananti di tampek iko
Sapanggalan mato hari naiak
Sabuah lai itu garan
Mamintak ambo kini nangko
Mamak suruah dubalang lai
Iyo pai ka Koto Tuo
Maagiah tau pangulunyo
Sarato urang gadang di nagari
Mintak datang nyo kamari
Kito barundiang samo-samo
Lah pulang urang nan banyak
Turunlah hujan salabeknyo
Mandarun bunyi galoro
Di lubang tampek ustano luluih
Tinggalah lubang nan tangango
230
