XIII. SUTAN MAULANO KAWIN DENGAN
MAYANG TAURAI
Lah tanang tampak Pamato Intan
Lah gak kariang aia matonyo
Kini batanyo inyo garan
Pado urang Nilam Cayo
"Mano kakak Nilam Cayo
Bari bana ambo batanyo
Adokoh kakak tau pandai
Tantang si Upiak anak denai
Iyo si Upiak Mayang Taurai
Batigo anak dilahiakan
Samo rancak katigonyo
Bak gunuang inyo diharok
Kini manjadi buah ratok
Padiah paruik ambo mamikiakan
Rasokan putuih jantuang hati
Balimo baranak kami garan
Hidutik tanang aman tantram
Sanyum jo galak tiok hari
Indak ado bakaberangan
Kok salah sabuik manyabuik
Indak ado jantiak jo tampa
Turuik manuruik kalimonyo
Hiduik lalap bakasayangan
Kiniko ambo tingga surang
Kaateh indak bapucuak
Kabawah indak baurek
Di tangah indak batunch.
Bak tunggua tagolek tangah padang"
"Manolah adiak Pamato Intan
Dangakan malah kato kakak
Indak adiak tingga surang
Kaateh lai mah bapucuak
231
