Mangko baitu kato ambo
Sanangkan malah hati adiak
Si Mayang lai iduik juo
Io anaknyo si Sari Intan
Majo Intan ado mah pulo
Itu di ateh anjuang berak
Tantang Upiak Mayang Taurai
Di maso urang baralek
Baralek untuak Bongsu Urai
Kami ndak sato di alek tu
Sabab indak tu satuju
Dilarang adaik jo limbago
Datang garan Mayang kamarí
Manangih marameh paruik
Maliek laku kak rajonyo
Sarato adiaknyo Bongsu Urai
Manyabuik inyo handak lari
Handak lari mambunuah diri
Sarato anaknyo Sari Intan
Ambo bujuak inyo di siko
Ambo katokan kainyo garan
Dek adiak lai iduik juo
Disabuik sajo tu mah mati
Usah adiak dicari lai
Iyo dek adiak gagah ambo
Nan banamo si Angek Garang
Maliek laku adiak kanduang
Kurenahnyo nan manungkalıak
Ibolah ambo ka si Mayang
Saraso kakak turuik pulo
Basalah bakeh pajo ko
Dek ambo nan mambujuaknyo
Amuah kawin jo adiak ambo
232
