Inyo baralek mangawinkan anak
Nan sakarang kini nangko
Tingga sarumah Mayang Taurai
Iyo jo Puti Cinto Manih
Bini Tuo dek Sutan Maulano
Rumahnyo lai gadang juo
Baanjuang juo suok kida
Si Mayang di anjuang suok
Cinto Manih di anjuang kida
Baitu diatua dek ayahnyo
Iyolah Sutan Majo Lelo
"Manolah kakak Nilam Cayo
Tolong malah kakak suruah
Urang maanta ambo kasinan
Indak tatahan rindu hati
Kapado anak jo cucu tu
"Mangapo adiak pai ka sinan
Inyo tu bana disuruah japuik
Amak pulang inyo kamari
Siapo nan kan jadi rajo
Salam si Buyuang anak ambo
Kuaso ambo kini ko adiak
Iyo nagari Koto Lamo
Indak ado urang nan patuik
Salain dari anak ambo
Dek mamak Sutan Mangkuto Ameh
Sadang daulu indak nyo amuah
Kok kunun kini inyo lah tuo
Bapak adiak maniak dek ambo
Bapak ambo mamak dek adiak
Lah patuik bana itu kini
Si Mayang jadi Andeh Suri
Sanangkan malah hati adiak
234
