Tapi indak ado urang nan suko
Bakawan bana jo inyo
Urang banci urang berang
Dek kurenahnyo maningkahak
Ado pado suatu maso
Katiko inyo sadang berang
Sadang berang sadang maradang
Tahadap urang bawahannyo
Karano ado nan barani
Iyo manyanggah parentahnyo
Bakato inyo maso itu
Japuik juo paja mantun
Bawo sakali jo andchnyo
Usah pulo disabuik-sabuik
Denai nak kawin jo anak tu"
Manyambah garan maso itu
Iyo Datuak Kapalo Suku
Urang gudang dalam nagari
Urang nan buliah bakuaso
Urang nan buliah manggantikan
Manggantikan rajo mamarintah
Kok rajo sakik ngilu panjang
Atau pai ka nagari lain
Ampun Tuanku Rajo kami
Usah dijapuik paja nantun
Adiak kanduang dek Andeh Suri
lyolah Puti Mayang Taurai
Indak buliah manuruik adaik
Iyo Tuanku kawin jo myo
Sabagai pulo itu garan
Inyo nan baru ketek bana
Jiko ambo etong etong
Alunla sampai itu garangan
Duobaleh taun padi
28
