XIV SUTAN MAULANO
PULANG KA KAMPUANG
Tasabuik hari barisuaknyo
Barangkek urang nan baranam
Manunggang kudo sikua surang
Amak lakeh inyo di jalan
Duo hari sasudah itu
Lah tibo urang nan dijapuik
Kudo batambah anam lai
Dek urang banyak maanta
Duo hari pulo kamudian
Tampaklah Sutan Maulano
Inyo tagak di ateh tanggo
Iyolah tanggo rumah andehnyo
Urang banyak tangah halaman
Mandanga inyo babarito
"Manolah niniak mamak ambo
Sarato ibu bapak sadonyo
Sanak saudaro sadonyo tuo mudo
Nan hiduik di nagari nangko
Iyo nagari Koto Lamo
Sarato nagari Koto Tuo
Sananglah kini hati ambo
Dapek tagak di tanggo nangko
Maliek roman kasadonyo
Bataun ambo indak pulang
Hiduik mularaik di rantau urang
Dapek, pagi dimakan patang
Dapek patang dimakan pagi
Indak dek banci pado kampuang
Bukan ambo indak taragak
Ambo mainda mah daulu
Indak lain indak doh bukan
{{rh|240}
