Baitu tabuah larangannyo
Nan di siko baitu pulo
Lah luluih basamo ustanonyo
Kito paralu karajo barek
Karajo sakuaik tulang
Mandirikan ustano gadang
Sarato rangkiang tujuah barih
Baitu pulo balairongnyo
Elok kito basatu sajo
Di buek sabuah Ustano
Di bateh nagari nan duoko
Ilang nagari Koto Lamo
Habih nagari Koto Tuo
Nagari baru kito tagakkan
Kito namoi Rangkiang luluih
Mangko rangkiang di kamukokan
Bukan ustano, bukan rajonyo
Dek rangkiang nan daulu tajun
Inyo bana nan jolong luluih
Dek isinyo padi takutuak
Indak sarela nan mambari
Padi itu nak lari garan
Babaliak maniadi tanalı
Basamo jo karak babiak
Nan dimakan Pamato Intan
Nan tacampak pulo katanah
Tabuang basamo tampuruangnyo
Tapakua rajo maso itu
Indak dapek bakato lai
Jauah kalangik pangananyo
Baitu pulo urang banyak
Ado sabanta antaronyo
Bakato sanan Sutan Maulano
Hinggo iko rapek kito
243
