Pulang dunsanak malah daulu
Isuak nak kami imbau pulo
Bia kami mupakaik daulu
Urang gadang di nagari ko
Koto Lamo jo Koto Tuo
Kok lah dapek kato sapakaik
Iyo dek urang tuo-tuo
Kito barundiang pulo lai
Iyo di laman rumah nangko
Kok sanak lai manarimo
Kito lalukan mah karajo
Alah koh sanang hati sanak
Duo hari pulo sudah itu
Barundiang urang di ustano
Ustano iyo samantaro
Rumah gadangnyo Nilam Cayo
Rapek dipimpin Tuanku Sati
Dek inyo memang nan patuik
Diputuihkan dalam rapektu
Nagari nan duo disatukan
Dibari namo Rangkiang Luluih
Ustano dibuek duo buah
Nan ciek Ustano Gadang
Di bateh kaduo Koto nan Lamo
Nan ciek di Koto Tuo Lamo
Di tampek ustano nan daulu
Ustano gadang nan di bateh
Kan tampek tingga rajo baru
Nan bagala Datuak Mangkuto Ameh
Baduo jo Puti Mayang Taurai
Nan kan manjadi Andeh Suri
Ustano ketek di Koto Tuo
Kan tampek tingga itu garan
Rajo tuo Tuanku Sati
244
