Basamo jo Andeh Pamato Intan
Batigo jo Buyuang Majo Intan
Rumah gadang nan kini nangko
Di sabuik Ustano Lamo
Tampek tingga Puti Nilam Cayo
Jo Datuak Kapalo suku
Manti Tuo Koto Lamo
Sarato Puti Cinto Manih
Bini Rajo nan baru ko
Koto Lamo disabuik Kampuang Lamo
Koto Tuo disabuik kampuang Tuo
Buliah barubah kasadonyo
Nan lamo dilupokan malah
Nan baru dibangun baliak
Ustano gadang itu garan
Kan dibari rangkiang tujuah buah
Utano ketek Ustano Lamo
Tigo buah rangkiangnyo
Ditatapkan aturan lamo
Untuak rang rumah ciek rangkiang
Iyolah si Tinjau Lauik
Salabiahnyo untuak rakyat
Untuak rang nan mamintak
Untuak rang nan manyalang
Di kampuang lamo kampuang tuo
Diadokan juo mah balerong
Balerong ketek dinamokan
Tampek datuak Mangku basidang
Ambo hanyo marampuangkan
Nan lah di tantukan suaro banyak
Tabuah gadang aguang gadang
Iyo di Ustano Gadang
Di Ustano Ketek nanti
245
