Di adokan juo tabuah ketek
Tapi iyo tabuah larangan
Bukan batuang pambari tau
Ado maliang ado kabakaran
Tapi tabuah dari kulik jawi
Nan dapek tadanga jauah
Bakato sanan Sutan Maulano
Kok ambo kan dinobaikkan
Usah kito baralek gadang
Cukuik sakali makan sajo
Nagari sadang bangsaik kini
Rakyat kakurangan pulo
Ambo mamintak bakeh ayah
Sarato ayah Manti Tuo
Manti Tuo Koto Tuo
Usah ayah kaduonyo
Baketek ati bakeh ambo
Dek ambo indak amuah
Iyo di sambah ayah kanduang
Baitu ayah Koto Tuo
Kito cari dari nan banyak
Pangganti ayah nan baduo
Urangko di asam basa pulo
Wakatu ambo di nobai'kan
Ayah ambo rajo nan lamo
Sarato ayah nan baduo
Ambo mintak manolong ambo
Iyo dalam pamarentahan
Kok teleng mintak datakan
Kok bungkuak mintak luruihkan
Kok tadorong kasuok kida
Mintak ayah katangahkan
Baitu pulo andeh kanduang ambo
Kok tasangkuik ambo garan
246
