Lah duo taun ndak karajo
Lah sanang caro iko
Pai batarak tiok bulan
Iyo jo Datuak Tuanku
Sarato Datuak Kapalo Suku"
Datuak Mangku Koto Tuo
Nan lah lamo pulo ndak karajo
Amboko iyo alun tuo bana
Tapi mintak baranti juo
Ambo ingin handak basawah
Iyo basawah jo baladang
Salamo ambo ndak di rumah
Sawah liek ladanglah samak
Indak ado nan mauruihnyo
Ambo ajukan adiak ambo
Iyo untuak ganti ambo
Urangnyo iyo mudo bana
Tapi amuah bakarajo
Lah biaso inyo tu garan
Manolong-nolong dalam ustano
Bagala Sutan Pamenan
Bakato pulo surang lai
Pangulu dari Koto Tuo
"Kamiko urang Koto Tuo
Satuju sajo itu garan
Jo sagalo kaputusan
Tapi hanyo akan sabuah
Indak satuju kami garan
Kito nan tidak kan baralek
Hanyo kanduri sakali makan
Kami mamintak ka nan banyak
Mintak adokan alek gadang
Manuruik adaik rajo-rajo
Dijapuik rajo bakuliliang
248
