Sarato rajo Pagaruyuang
Baliau tu mah nan patuik
Malatakkan mangkuto ameh
Di ateh kapalo rajo kito
Iyo Tuanku Mangkuto Ameh
Tujuah baru rangkiang luluih
Tujuah pulo nan tabaka
Alun kan bansaik nagari ko
Talabiah nagari Koto Tuo
Manuruik kato nenek ambo
Mangko nagari ka batuah
Hujan turun padi manjadi
Batang kayu babuah pulo
Dek alek acok diadokan
Urang banyak basuko hati
Taranak mangko kan kanıbang
Iyonyo acok disambaliah
Disambaliah di bawah payuang kuniang
Untuak dimakan urang banyak
Bakato saurang lai
Iyo urang Koto Tuo juo
Itu bana nan kami mintak
Dek kito bukan manobaikkan sajo
Iyo rajo kito nan baru
Kito ko kini bagadang hati
Urang mati lah iduik baliak.
Bukan surang bukan baduo
Limo urang itu garan
Kami maratok siang malam
Indak ado barajo lai
Andeh Suri lah hilang pulo
Manciok kami bak ayam
Antah kasiapo kan mangadu
249
