Tadiam urang kasadonyo
Ado sabanta antaronyo
Manjawek saurang urang pangka
Dari tampek duduak andeh-andch
Manolah adiak Tuanku Sati
Pamimpin rapek nan gadangko
Ambo iyo nak mangecek pulo
Nan taraso di hati ambo
Cako disabuik tu mah garan
Dek nagari Koto Lamo
Nagari bansaik itu kini
Tapi ambo indak sato bansaik
Rangkiang tigo di halaman
Panuah barisi katigonyo
Kok nyo kabau sapuluah duo
Ado garan di kandang ambo
Baitu juo jawi jo kambiang
Parak karambia ado pulo
Dek itu ambo mamintak
Iyo baralek tujuah hari
Dek si Buyuang nan luluih ko
Dinobaikan manjadi rajo
Baralek ampek puluah hari
Habih padi jo taranak
Tapi ameh jo perak
Sarato intan jo dalimo
Indak usak saketek juo
Turun sadonyo bakch ambo
Inyo mandapek karih jo padang
Nan lain ambo nan manyimpan
Mangkuto Ameh pandiang ameh
Dulang carano dari ameh
Kalua dari rumah iko
Kok inyo paralu mamakainyo
Baitu juo bungka jalo
251
