Dijapuik rajo bakuliliang.
Sarato Rajo Pagaruyuang
Iyo Dasa Ampek Balai
Indak buliah katingalan
Inyo nan patuik manobaikkan
Tuanku Sati nan manjapuik
Sahari sabalun alek
Hari mamasak tu namonyo
Dilimaui kabau tujuah ikua
Diarak di bawah payuang kuniang
Didabiah di tanah lapang
Tampek bamain layang-layang
Sabalun Datuak Ampiang Basi
Malatakkan goloknyo di lihia kabau
Bapantun malah Mandeh Rubiah
Adolah urang nan basuluah
Iyo basuluah batang padi
Dikabek jo rantiang cubadak
Manolah buyuang nan batujuah
Relakan nyawo buyuang pai
Kan ubek auih urang banyak
Bukan tanti nak sumbarang tanti
Tanti dari batang kamuniang
Bukan mati sumbarang mati
Mati di bawah payuang kuniang
Tanti dari batang kamuniang
Diukia bagai bungo lado.
Mati di bawah payuang kuniang
Dimakan sutan rajo-rajo
Diseraki jo bareh kuniang
Sarato bungo tujuah ragam
Dikarek limau dek datuak
lyolah Datuak Ampiang Basi
255
