Iyolah limau tujuah ragam
Dilimau kapalo katujuahnyo
Sarato golok katujuahnyo
Ditadahkannyo tangan ka langik
Basaru inyo maso itu.
"Manolah langik nan batuah
Sarato bumi nan sati ko
Tarimo darah kabau kami
Indaknyo mati dek sakik
Indak mati taniayo
Bukan mati dek jua bali
Mati mulia tu mah garan
Darahnyo jadi pupuak bumi
Darah paimbau hujan langik
Mak tanaman nak nyo subua
Baitu pulo rumpuik makanan taranak rakyat
Iyo rakyat Rangkiang Luluih
Manolah mambang jo pari
Sarato urang bunian
Mailak malah kalian
Usah diisok darah kabau kami
Usah jadikan kami musuah
Huuuss huusss huuussss
Manyambua inyo tigo kali
Dikilekkan pisau kalangik
Usah many akik lihia kabau
Kabau didabiah rang batujuah
Katujuah kapalo itu
Disarahkan kapado bumi
Nan maisok ustano jo rangkiang
Usah inyo mintak darah lai
Jangan inyo mintak nyawo lai
Lah sudah itu garan
Urang batanang sampai bisuak
Urang dapua hanyo nan sibuak
256
