Alah dipakai niniak muyang
Antah barapo katurunan
Kok inyo kalangkahan
Jo parangai jo kurenah
Nan indak disukoi urang banyak
Inyo akan manyumpah
Basamo arwah urang daulu
Inyo akan mangutuak
Urang nan manjujuangnyo
Kok urangnyo lai elok
Inyo tau dikarajo inyo
Inyo disambah urang banyak
Bukan mangkuto nan di kapalonyo
Sasudah mangkuto talatak di kapalonyo
Manyambah inyo maso itu
"Ampunlah ambo Tuanku Pagaruyuang
Bajanji ambo bakeh Tuanku
Kan manjunjuang mangkuto ko
Sakuaik kapalo ambo
Sakuaik hati sakuaik tanago
Kan ambo turuik parentahnyo
Sarupo manuruik parentah Tuanku
Kan satia ambo ka inyo
Sarupo satia pado Tuanku
Tuanku jauah dari siko
Inyo manjadi mato-mato
Maniliak kurenah ambo
Sarato laku parangai ambo
Kok ambo mungkia kan janji
Jo sangajo jo dikatahui
Inyo akan mangutuak ambo
Sarato langik jo bumi ko
Lah sudah pulo itu dangai
Disanggua rambuik nyo dek si Mayang
261
