Pado hari sahari tu
Sabuah kampuang tu didatangi
Barisuaknyo ka kampuang lain
Nan agak jauah biasonyo
Taturuik sagalo kampuang
Barulah urang kan baranti
Kampuang nan banyaktu
Balomba-lomba biasonyo
Jo gaba-gaba nan di labuah
Sarato di rumah pangulunyo
Baitu pulo jo juadah
Nan di laman nan di rumah
Ado pulo itu garan
Nan mananti jo nasi di hidangan
Sarato nasi nan dibungkuih
Untuak nan tingga tangah laman
Kampuang lain lain pulo dibueknyo
Sasudah makan juadah
Katiko maanta pulang
Diirik kabau atau jawi
Sarato kambiang jo ayam itiak
Manuruik ukuran rakyatnyo
Katiko rajo nan baruko
Iyo dek Datuak Mangkuto Ameh
Nan banyak maagiah padi
Sarato taranak kabau jawi
Iyolah urang Koto Tuo
Di sinan urang nan kayo
Di sinan banyak ameh intan
Balasan taun ku lamonyo
Mungkin labiah duo puluah
Padinyo runduak taranaknyo gapuak
Saparintah rajo bijaksano
Malam-malam baralek juo
lyo badendang jo manari
264
