Andeh Suri si Mayang surang
Tapi inyo makan baduo
Iyo jo Puti Cinto Manih
Alah şabanta inyo makan
Pai pulo kaduonyo
Manyuok nasi urang banyak
Bukan tu puti-puti
Rakyat kampuang didatangi juo
Gadanglah hati urang banyak
Lah sudah minum jo makan
Mangapua siriah kasadonyo
Batuka sapah itu garan
Mangkuto Ameh jo Mayang Taurai
Sudah itu jo Cinto Manih pulo
Nan indak dicaliak salomo ko
Tajadi pado maso itu
Mayang Taurai itu garan
Mamintak sapah Cinto Manih
Sarato maagiahkan sapahnyo
Agak tamali Cinto Manih
Datuak Mangkuto Ameh
Mandoronghyo dari balakang
Sananglah hati urang banyak
Maliek parangai Mayang Taurai
Marandah diri ka madunyo
Sabalun alek disudahi
Bakao sanan Mangkuto Ameh
Manolah ayah Tuanku Sati
Sarato mamak mamak ambo
Andeh ambo nan baduo
Kakak jo adiak rajo-rajo
Nan datang dari kuliliang
Sarato sanak kasadonyo
Dari nagari Rangkiang Luluih
Tarimo malah sambah ambo
266
