Anak nan rancak katigonyo
Jarang bandingan di alamko
Lorong dek Puti Pinang Masak
Baumua ampek baleh taun.
Sadang masak tu rancaknyo
Dijapuik Rajo Angek Garang
Dijadikan bini ka sapuluah
Dek inyo alah cukuik tuo
Sambilan bini dipakainyo
Bukan dijapuik elok-elok
Inyo dijapuik dengan pakso
Kok indak namuah maagiahkan
Nagari diparanginyo
Anak rakyat susah sajo
Dek ibo pado rakyat
Cameh nagari nan kan hancua
Anak kanduang si birian tulang
Disarahkan dek Rajo Tuo
Disarahkan jo hati ibo
Dilapeh jo ratok tangih
Iyo dek inyo laki bini
Dengan Puti Andeh Suri
Nan banamo Pamato Intan
Indak lamo Puti Pinang Masak
Di ustano Rajo Angek Garang
Baru sajo baranak ciek
Inyo diasab tiok hari
Iyo dek rajo nan ganeh tu
Dikatokan inyo main mudo
Jo urang Sutan Maulano
Kamanakan Rajo Angek Garang
Nan sabana pakaronvo
Bukan tu salah urang baduo
Ulah asungan bini tuo
33
