Iyo bini Rajo Angek Garang
Nan kalua dari ustano
Sangkek datang si Pinang Masak
Lorong ka Sutan Maulano
Dek inyo badakek rumah
Tingganyo di rumah gadang juo
Bahadapan ju ustano
Tantu tacaliak kadang-kadang
Tasirok darah di dadonyo
Maliek rancak bini mamaknyo
Maalum mudo samo mudo
Tantangan Puti Pinang Masak
Baa bana takuik ka laki
Maliek rang mudo nan mamandang
Tantu tatagak gak sajanak
Darah mudo naiak ka muko
Lah labiah guaran duo taun
Si Pinang tangga di ustano
Alun panah sakali juo
Basautan kato jo paja tu
Iyo urang Sutan Maulano
Tap sakali nan kudian
Dek nan lain indak nan tampak
Sutan Maulano masuak ustano
Batanyo inyo ka amainyo
Iyolah Puti Pinang Masak
“Ampun Tuanku amai Kanduang
Bari bana ambo batanyo
Lai koh siko andeh ambo
Urang kampuang datang ka rumah
Andak basuo jo Liau tu
Lah lamo inyo mananti”
34
