Bakarajo di sawah ladang
Basamo urang sarayo
Nan bakarajo untuak ayahnyo
Dek ayahnyo Rajo Gumanti
Indak dapek inyo kasawah
Sutan Maulano tumpuan sayang
Indak sajo dek ayah jo bundonyo
Tapi dek urang sanagari
Laki-laki parampuan
Sayang jo kasiah bakeh inyo
Lorong mamaknyo Angek Garang
Indak suko inyo garan
Iyo kapado kamanakan ko
Inyo tu camburu sajo
Sabab nan patuik manggantikan
Iyo manjadi Rajo Koto Lamo
Indak lain indak bukan
Salain Sutan Maulana ko
Inyo lai mandanga juo
Kecek-kecek di dalam kampuang
Nan disampaikan pandeka rajo
Urang nan jadi mato-matonyo
Uraung manyabuik parangainyo
Sarato mamuji Sutan Maulano
Kilek camin alah ka muko
Kilek baliuang lah kakaki
Dek itu inyo banci bana
Kapado Sutan nan rancak ko
Pudo katiko itu garan
Sadang inyo duduak barundiang
Jo kakaknyo Puti Nilam Cayo
Mamintak pado kakaknyo
Supayo disuruah itu garan
Sutan Maulano pai jauah
38
