Mancari-cari aia nasi
Dek paja sangaik kalaparan
Untuang lai ado urang sabalah
Nan datang dek mandanga pakiak
Pakiaknyo Puti Pinang Masak
Urang ko baranak ketek
Disuruah inyo manyusukan
Anak Tuanku Mangkuto Ameh
Balari Puti kateh rumah
Diparentahkan urang banyak
Mambantangkan tirai langik-langik
Sarato lapiak sapanuah rumah
Dibantangkan tabia kuniang
Sapanuah dindiang ruang tangah
Tandonyo ado kamatian
Bakato inyo maso itu
Iyo kapado urang banyak
Nan ado dalam ustano
”Mano kalian nan banyak ko
Kok ado urang batanyo
Apo sabab mandiangko
Katokan inyo alah lamo
Sakik-sakik sudah baranak
Cako ko inyo tajatuah
Tahampeh di batu tapak janjang
Lansuang sajo inyo mati
Usah ado nan mangecek
Iyo tantangan iko itan
Lihia kalian tantangannyo
Mano waang bujang Salamaik
Japuk dek ang Tuanku Tuo
Suruah inyo kamari
Katokan ambo di siko
43
