Alah manangih tukang ratok
Nan lah datang dek diimbau
Maratok inyo jo lagu
Malagu bagai basinanduang
Maambuang suaro tinggi-tinggi
Dek pandai inyo maratok
Urang lain manangih pulo
Banduanglah ratok di ustano
Ratok pitolong untuak rang banyak
"Ampunlah ambo Andeh Suri
Mangapo Andeh mati mudo
Andeh rancak pamenan kampuang
Limpapeh dalam rumah gadang
Suko maliek alek datang
Anak ketek arek manyusu
Andeh tinggakan jo siapo
Sampai atinyo andeh kanduang
Maninggakan anak dalam baduang
Kok banyak banalah nan lain
Indak samo jo Andeh Suri
Manjago anak nan manyusu
Bajalan malah Andeh kami
Bajalan kadalam bumi
Elok-elok bumi manampuang
Elok-elok langik manuduangi
Turunkan ujan nak nyo sanang
Andeh kami urang nan elok
Indak panah mambuek salah
Usah dibaka api bumi”
Kok lah panek tukang ratok tu
Digantikan dek nan lain
Macam pulo nan disabuik nyo
Mamuji-muji nan mati tu
45
