Koto Lamo nagari gadang
Lah patang kironyo hari
Lah datang ayah bundonyo
Iyolah Rajo Koto Tuo
Datang adiaknyo nan baduo
Iyolah Puti Mayang Taurai
Sarato Puti Bongsu Urai
Rajo lain lah datang pulo
Bukan sagan pado Angek Garang
Tapi sagan pado Tuanku Sati
Iyolah ayah dek nan mati
Dek tandu paangkek mayik
Tandu panjang tigo dapo
Lah sudah pulo dek tukang
Naiaklah rajo Koto Tuo
Sarato Puti Pamato intan
Dek suami si mati alun turun
Iyolah rajo Mangkuto Ameh
Naiak lah puti ateh anjuang
Iyolah Puti Nilam Cayo
Bakato inyo maso itu
Mano diak kanduang si Mangkuto
Usah hati di paturuikkan
Malu kito pado rang banyak
Kok salah sangko rang baeko
Kok ado kato nan talompek
Iyo dari urang banyak
Nan ado dalam ustano
Banyak buruaknyo dari baiak
Kok sampai kaba macam iko
Iyo kapado tuan kito
Nan ado di Pagaruyuang
Buruak tibonyo pado adiak
47
