Rajo-rajo alah bakumpua
Tuanku Sati jo padusinyo
Alah naiak kateh tandu
Mananti adiak sajo lai
Dangakan malah kato denai
Kok nan elok dipaliekkan
Antah amuah nanti Tuanku Tuo
Manyuruah anaknyo nan baduo
Manggantikan lapiak dari kakaknyo.
Pajatu ado di bawah
Labiah rancak inyo dangai
Iyo dari si Pinang Masak
Mandanga kato nan bak kian
Lah duduak Rajo Angek Garang
Diganti malah kain baju
Dilakekkan sampiang jo saluak
Disisikkan karih pusako
Turunlah inyo dari anjuang
Dituruikkan Puti Nilam Cayo
Lah tibo inyo di ruang tangah
Bakato inyo maso itu
"Manolah kakak Manti Tuo
Agak elok raso badan ambo
Lah buliah pai ka pandam
Iyo ka pandam kaum kito
Maantakan si Pinang Masak
Suruahlah urang maangkeknyo
Anaknyo di bawo juo
Ambo manunggu di halaman
Lah tampak turun Angek Garang
Lah sampai inyo di halaman
Disambah garan mintuonyo
Ayah jo Bundo Pinang Masak
48
